ეს გადაარჩენს ათასობით ადამიანის სიცოცხლეს – ზელენსკი გერმანიისგან “პატრიოტის” სისტემების მიღებაზე

0
153

უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა, რომ გერმანია და უკრაინა კიევისთვის დამატებითი “პეტრიოტის” ტიპის საჰაერო თავდაცვის სისტემის მიწოდებაზე შეთანხმდნენ.

მისი განცხადებით, უკრაინაში ყველას ერთი და იგივე ამოცანა აქვს – გაიზარდოს კიევის შესაძლებლობების პოტენციალი ფრონტზე და შესუსტდეს ყველაფერი, რის გამოყენებასაც რუსეთი ცდილობს მეომრებზე ზეწოლისთვის, უკრაინის შეზღუდვისთვის.

“დღეს ჩვენ გვაქვს კარგი ამბავი გერმანიიდან – ზუსტად ის, რაზეც შევთანხმდით ოლაფ შოლცთან. ჩვენ გვაქვს დამატებითი პატრიოტის გამშვები სადგურები. დიდი მადლობა, ოლაფ, ამისათვის – ეს აუცილებელია ჩვენი ხალხის რუსული ტერორისგან დასაცავად.

მადლობას ვუხდი გერმანიას და პირადად ბატონ კანცლერს ამ შეთანხმების შესრულებისთვის – ეს აუცილებლად გადაარჩენს ათასობით ადამიანის სიცოცხლეს. ეს აუცილებლად დაგვაახლოებს უკრაინისთვის სრულფასოვანი საჰაერო ფარის შექმნასთან. ეს დაეხმარება ხალხს, ქალაქებსა და სოფლებს”, – თქვა ზელენსკიმ.

წინა სტატიაზაპოროჟიეში, რუსეთის თავდასხმის შედეგად დაღუპულთა და დაშავებულთა რიცხვი გაიზარდა | დაშავებულებს შორის 11 თვის ბავშვია
შემდეგი სტატიამღებრიშვილის თქმით, შოვში 12 პირს ეძებენ
ტელეკომპანია ოდიშის საინფორმაციო სამსახური