თანადგომისთვის – დღეს, 21:00 საათზე, პარლამენტის წინ აქცია ჩაინიშნა

0
151

თანადგომისთვის – ამ სახელწოდებით დღეს, 7 აგვისტოს, პარლამენტის წინ აქცია ჩაინიშნა. მოქალაქეები საკანონმდებლო ორგანოსთან 21:00 საათზე შეიკრიბებიან.

ორგანიზატორები ამბობენ, რომ აქციაზე არ იქნება სიტყვით გამოსვლები.

“შოვის ტრაგედიის გლოვის დღესთან და აგვისტოს ომის 15 წლისთავთან დაკავშირებით, დღეს, 7 აგვისტოს, 21:00 საათზე, პარლამენტის წინ ვიკრიბებით ადამიანები, რათა:

დაღუპულთა ოჯახებსა და ერთმანეთს დავანახოთ, რომ ჩვენი ტკივილი და თანადგომა სცდება ფეისბუქის პოსტებს
შევახსენოთ ამ მთავრობას, რომ მომხდარ ტრაგედიასთან დაკავშირებით აუცილებლად მოვთხოვთ პასუხისმგებლობას
შევახსენოთ რუსეთს, რომ ოკუპანტია და გვახსოვს ომის დაწყების ნამდვილი თარიღი!
ვიკრიბებით ადამიანები, რომლებიც არ წარმოვადგენთ რომელიმე პოლიტიკურ პარტიას.
გამოსვლები არ იგეგმება. შეგიძლიათ, მოიტანოთ ყვავილები, სანთლები, თემატური პლაკატები”, – წერია განცხადებაში.

ცნობისთვის, შოვში მომხდარი ტრაგედიის გამო დღეს საქართველოში გლოვის დღეა. ასევე 2008 წლის აგვისტოს ომის დაწყებიდან 15 წელი გავიდა.

წინა სტატიამაშინ გამოჩენილი სიმტკიცით დავიცავით საქართველოს სუვერენიტეტი, რაც აუცილებლად მიგვიყვანს ტერიტორიული მთლიანობის ფაქტობრივ აღდგენამდე- სააკაშვილი
შემდეგი სტატიაოჯახი შოვში ანსამბლ “ბუბას” წევრს გენადი სულთანიშვილს ეძებს, რომელიც სტიქიის ეპიცენტრში იმყოფებოდა
ტელეკომპანია ოდიშის საინფორმაციო სამსახური