შსს-ში ადასტურებენ ინფორმაციას, რომ შოვში ჩამოწოლილ მეწყერს მსხვერპლი მოჰყვა – მაშველებმა ორი ადამიანის ცხედარი მიწის დამუშავებისას იპოვეს.
შეგახსენებთ, რომ შოვში მეწყერი ჩამოწვა, ადიდდა მდინარე ბუბა, მეწყრის ზონაში მოჰყვა სასტუმრო “სანსეტ შოვი”, სადაც იმ დროს 40-მდე ადამიანი, მათ შორის, 12 ბავშვი იმყოფებოდა.
ტერიტორია გარესამყაროს იყო მოწყვეტილი, სანამ სასაზღვრო პოლიციის ორი სამაშველო ვერტმფრენით ადგილზე მაშველები არ ჩავიდნენ და მოქალაქეები უსაფრთხო ადგილას არ გადაიყვანეს.
დაახლოებით ერთი საათის წინ სტიქიის ზონაში მობილიზებული იყო 400-მდე მაშველი, სასაზღვრო პოლიციის ორმა ვერტმფრენმა რამდენიმე სამაშველო რეისი ჩაატარა, 70-მდე ადამიანი მეწყრის ზონას განარიდეს.