“არ გვაქვს დაღლის, გაჩერების, ურთიერთწყენის უფლება” – ანა წითლიძე ანაკლიაში

0
203

“ეს მდგომარეობა, როგორშიც არის ახლა ის ადგილი, სადაც საქართველოს მესამე პრეზიდენტს მიხეილ სააკაშვილს უნდოდა, ანაკლიის პორტი ყოფილიყო, არის იმის სახე, რაც ხდება დღეს ქვეყანაში, რომელსაც მართავს “რუსული ოცნება”, – ამის შესახებ ანაკლიაში, “გამარჯვების პლატფორმისა” და მოსახლეობის შეხვედრის დროს, ენმ-ის სამეგრელოს ორგანიზაციის ლიდერმა, პარლამენტის წევრმა ანა წითლიძემ განაცხადა და წარმოადგინა კლიპი, რომელიც წინა ხელისუფლების დროს მომზადდა და ასახავს, როგორი უნდა ყოფილიყო ლაზიკა და ანაკლიის პორტი. 

“ის რაც დღეს ხდება, ის რომ ახლა ბათუმში აკავებენ ახალგაზრდა პატრიოტებს, იმის გამო ხდება, რომ ქვეყანას მართავს “რუსული ოცნება”. მაგრამ მე დღეს მაქვს პატივი ასევე, მესამე პრეზიდენტის სახელით გითხრათ, რომ ჩვენ დღეს არავის, არცერთს არა გვაქვს დაღლის, გაჩერების, წყენის უფლება. 

დღეს ჩვენ ყველანი ერთად უნდა დავდგეთ იმისთვის, რომ ქვეყნის სათავეში “რუსული ოცნება” აღარ იყოს, ამის შემდეგ კი ლაზიკაც აშენდება, ანაკლიის პორტიც და ქვეყანა ისევ ქვეყანას დაემსგავსება”, – განაცხადა ანა წითლიძემ ანაკლიაში გამოსვლისას. 

წინა სტატიაკრივოი როგზე სარაკეტო თავდასხმის მსხვერპლთა შორის 45 წლის დედა და 10 წლის შვილია
შემდეგი სტატია“ლაზიკაზე ჩვენ წარსულში არ ვისაუბრებთ, ის იქნება მეორე უდიდესი ქალაქი” – ლევან ხაბეიშვილი
ტელეკომპანია ოდიშის საინფორმაციო სამსახური