უკრაინაში, ბახმუტთან, გმირულად დაცემულ ქართველ მებრძოლს აჩიკო დევრისაშვილს თანამებრძოლები და ახლობლები ორშაბათს დილის 10 საათზე, კიევში, წმინდა ვოლოდიმირის სახელობის ტაძარში დაემშვიდობებიან და ცხედარს ჯერ პოლონეთში, შემდეგ კი საქართველოში გადაასვენებენ.
აჩიკო 2008 წლის რუსეთ-საქართველოს ომშიც იბრძოდა, ბახმუტთან შეტაკებაში კი იმ დროს დაიღუპა, როცა დაჭრილი თანამებრძოლის გამოსაყვანად ცეცხლის ზონაში შევიდა.
“ძალიან მაგარი ბიჭი იყო, გულიანი მებრძოლი. მაშინ დაიღუპა, როცა ბრძოლის ველიდან გამოვიდა და უკან შებრუმდა, რათა დაჭრილი მებრძოლი გამოეყვანა. ორშაბათს კიევში დავემშვიდობებით და საქართველოსკენ გამოვაცილებთ”, – უთხრა “ოდიშინიუსს” აჩიკო დევრისაშვილის თანამერბრძოლმა.
ცნობილია, რომ შეტაკებისას, როცა აჩიკო დევრისაშვილი დაიღუპა, რამდენიმე მებრძოლი, მათ შორის, აქრთველი, დაიჭრა – ის ამ დრომდე კლინიკაში იმყოფება.
გავრცელებული ინფორმაცია თითქოსდა ხუთიქართველი მებრძოლის დაღუპვისა და ქართველი მებრძოლი ქალის ქეთი ლეშქაშელის ტყვედ აყვანის შესახებ სინამდვილეს არ შეეფერება და მორიგი რუსული დეზინფორმაციაა.