ჩხოროწყუში, მდინარე ოჩხამურზე, სატვირთო მანქანის გადასვლისას, ხიდი ჩაინგრა და მანქანის მძღოლი გარდაიცვალა.
ხიდი ერთმანეთთან ნაკიანსა და ჩხოროწყუს აკავშირებდა. ერთ-ერთი ვერსიით, მანქანა ქვა-ღორღით იყო დატვირთული და გარახას უბანში მიდიოდა, სადაც გზის საფარის სამშენებლო სამუშაოები მიმდინარეობს, ხიდმა კი დატვირთვას ვერ გაუძლო და ჩაინგრა.
მძღოლი 50 წლამდე კაცია, მისი ცხედარი ექსპერტიზაზე, ქუთაისში გადაასვენეს.