უკრაინაში ომის 509-ე დღე ოკუპანტებმა ხარკოვზე, ხოლო უკრაინელებმა – ყირიმის ხიდზე შეტევით გამოარჩიეს. ყირიმის ხიდზე მომხდარი აფეთქების შედეგად ბურჯი დაზიანდა, რის შესახებაც ვლადიმირ პუტინმა განაცხადა, რომ ხიდზე შეტევას აუცილებლად მოჰყვება შესაბამისი პასუხი.
რაც შეეხება ხარკოვის დაბომბვას, ის მსხვერპლით დასრულდა – ერთი ადამიანი დაიღუპა, თუმცა, უკრაინელმა მეზენიტეებმა ყველა დრონი და ფრთოსანი რაკეტა ჩამოაგდეს, რომლებიც ოკუპანტებმა ქალაქის მიმართულებით გაუშვეს.
მსხვერპლით დასრულდა ზაპოროჟიის რაიონის სოფელ ტროინის დაბომბვაც – ერთი ადგილობრივი პირდაპირ მისსავე ბოსტანში დაიღუპა, ოთხი ადამიანი კი დაიჭრა. თავი გამოიჩინეს სამხედრო ექიმთა ჯგუფ “თეთრი ანგელოზის” აწვრებმა – რომ არა ისინი, მსხვერპლი ბევრად მეტი იქნებოდა.
ამავე დროს, უკრაინელებმა მოკლეს დნეპრის შენაკადებში მცურავი 11 ოკუპანტი, რომლებიც სამი სადაზვერევო-დივერსიული ჯგუფის სახით სამ მოტორიან ნავზე იყვნენ გადანაწილებულნი – ამის შესახებ “სამხრეთის” დაჯგუფების სპიკერი ნატალია გუმენიუკი იტყობინება. მისი თქმით, ოკუპანტები ძალიან ხშირად დაცურავენ დნეპრის დელტებსა და შენაკადებში, რათა უკრაინის შეიარაღებული ძალების ტექნიკისა და პირადი შემადგებლობის გადაადგილება გააკონტროლონ, მაგრამ ამჯერად მათი მცდელობა კრახითა და კობზონის კონცერტზე გამგზავრებით დასრულდა.
დღევანდელი დღის მთავარი ნიუსი კი ის გახლავთ, რომ უკრაინული, ლეგენდარული პოლკის “აზოვის” მეთაური დენის პროკოპენკო, რომელიც 107 მებრძოლთან ერთად მარიუპოლის “აზოვსტალიდან”, უკრაინის სამხედრო ხელმზღვანელობის გადაწყვეტილებით ჩაბარდა ოკუპანტებს, შემდეგ კი “მესამე ქვეყანაში”, ანუ თურქეთში იყო გადაყვანილი, უკრაინაში დაბრუნმდა და დღეს პირველად შეხვდა პოლკ “აზოვის” მებრძოლებს.