რუსეთ-უკრაინის ომში, უკრაინელები აგრძელებენ შეტევით მოქმედებებს მინიმუმ, სამი მიმართულებით, სადაც გარკვეულწილად, წარმატებებიც აქვთ, თუმცა, რუს სამხედროებს გააჩნიათ ბრძოლისთვის საჭირო რესურსი და წინააღმდეგობის გაწევის უნარი.

განსაკუთრებით მძიმე ბრძოლები მიმდინარეობს მარინკას მიმართულებით.

ღამის განმავლობაში უკრაინის თითქმის ყველა ქალაქში საჰაერო განგაშის ხმა ისმოდა, რუსმა ოკუპანტებმა დაბომბეს ქალაქი ხარკოვი, ასევე ზაპოროჟიე. არიან დაზარალებულები. 

ღამის განმავლობაში დროებით ოკუპირებული სევასტოპოლის მისამართით უპილოტო საფრენი აპარატების შეტევის შესახებ იტყობინებოდნენ საოკუპაციო ძალები. მათი განცხადებით, რვავე დრონი ჩამოგდებულია. 

გენშტაბის ცნობით, ბოლო 24 საათის განმავლობაში უკრაინელებმა 500-ზე მეტი ოკუპანტი მოკლეს/დაჭრეს/მწყობრიდან გამოიყვანეს, ასევე განადგურდა 5 რუსული ტანკი და 18 საარტილერიო სისტემა, საერთო ჯამში კი, ომის დაწყებიდან დღემდე, რუსეთმა უკრაინაში 237. 600-ზე მეტი სამხედრო პირი დაკარგა.