შეიწყალეთ მიხეილ სააკაშვილი – უკრაინის უმაღლესმა რადა საქართველოს პრეზიდენტს მიმართავს. მიმართვის მიზანს საქართველოს მესამე პრეზიდენტის შეწყალების მოთხოვნა წარმოადგენს. უკრაინის რადა სალომე ზურაბიშვილს მოუწოდებს, განახორციელოს ჰუმანიტარული აქტი და მიხეილ სააკაშვილი შეიწყალოს. ინფორმაციას უკრაინული მედია ავრცელებს.
დოკუმენტში ნათქვამია, რომ უკრაინის მოქალაქის ჯანმრთელობის და სიცოცხლის შესანარჩუნებლად უმაღლესი რადა გეგმავს, მიმართოს საქართველოს პრეზიდენტ სალომე ზურაბიშვილს, რომ მისცეს საშუალება უკრაინის უმაღლესი რადას ადამიანის უფლებათა დაცვის საკითხში უფლებამოსილ პირს, დმიტრი ლუბინცს, მოინახულოს საქართველოს მესამე პრეზიდენტი.
უკრაინელი დეპუტატები გეგმავენ, მიმართონ ევროკავშირის წევრი ქვეყნის პარლამენტებს, რომ მიიღონ შესაბამისი რეზოლუციები, რომელიც მიხეილ სააკაშვილის მიმართ ჰუმანიტარული აქტის განხორციელებას და შეწყალებას შეეხება, რითაც დაიცავენ ადამიანის უფლებებს, რომელიც დაცულია საერთაშორისო ნორმებით.