რუსეთ-უკრაინის ომის 505-ე დღეს რუსეთმა ისევ მიიტანა იერიში კიევზე, არის მსხვერპლი, დაიღუპა ერთი მშვუიდობიანიო მოქალაქე. 

საარტილერიო იერიშის სამიზნე გახდა ზაპოროჟიეც, სადაც 20 ადამიანი დაშავდა, მათ შორის არიან ბავშვებიც. 

უკრაინელმა მეზენიტეებმა გასული დღე-ღამის განმავლობაში, ოკუპანტთა მიერ გაშვებული 20-ვე “შაჰიდი” და 2 ფრთოსანი რაკეტა “კალიბრი” ჰაერშივე გაანადგურეს. 

უკრაინის გენშტაბის ცნობით, ბოლო 24 საათის განმავლობაში ოკუპანტებმა კიდევ 510 სამხედრო დაკარგეს, საერთო ჯამში კი, ომის დაწყებიდან დღემდე, 236.040 ჯარისკაცია ლიკვიდირებული. ასევე განადგურდა 2 რუსული ტანკი და 23 საარტილერიო სისტემა.