ნიდერლანდები დამატებით 8 მილიონი ევროს ინვესტირებას განახორციელებს ნატოს ფონდში საქართველოს, მოლდოვასა და ბოსნია და ჰერცეგოვინას სამხედრო შესაძლებლობების განვითარებისთვის. Euractiv-ის ცნობით, ამის შესახებ საგარეო საქმეთა მინისტრმა ნატოს სამიტის ფარგლებში განაცხადა.
თანხა, რომელიც გამოიყოფა ფონდისთვის, გამოყენებული იქნება უპილოტო საფრენი აპარატის საწინააღმდეგო სისტემებისთვის, საბრძოლო მასალის საწყობების დაცვისა და კიბერშეტევებისადმი მდგრადობის გასაუმჯობესებლად.
ნიდერლანდების ვიცე-პრემიერის განცხადებით, ამ არასტაბილურ სიტუაციაში, ექსტრემალურად მნიშვნელოვანია რომ NATO-ს ქვეყნებმა გააძლიერო მხარდაჭერა აღმოსავლეთ ევროპის ქვეყნების მიმართ, რომელთა შიდა საქმეებშიც რუსეთის ფედერაცია აქტიურად ერევა.
მანამდე, ნიდერლანდებმა დადო პირობა, რომ ისინი დამატებით 150 ჯარისკაცს გააგზავნიდნენ ბოსნიაში მიმდინარე მისიის ფარგლებში.
NATO-ს ფონდის, თავდაცვისა და მასთან დაკავშირებული უსაფრთხოების საკითხების გაძლიერების ინიციატივის (DCB) მიზანია, გააძლიეროს პარტნიორების სამხედრო პოტენციალი იარაღის პირდაპირი მოწოდების გარეშე. ამ ინიციატივის ფარგლებში, მოლდოვასა და საქართველოს უკვე აქვთ მიღებული ფინანსური დახმარება.