საქართველოს პრეზიდენტი სალომე ზურაბიშვილი ვილნიუსში გამართულ ნატოს სამიტს ეხმიანება და წერს, რომ ალიანსმა კიდევ ერთხელ გამოავლინა ურყევი ნება და სიძლიერე და რომ “არავითარი რუსული ვეტო ნებადართული არ უნდა იყოს”.
“ვილნიუსში ატლანტიკურმა ალიანსმა უკრაინისადმი თავისი ერთიანობა და ურყევი მხარდაჭერა აჩვენა. გულითადად მივესალმები ამ გადაწყვეტილებებს, რომლებიც აძლიერებენ უკრაინის უსაფრთხოებასა და მიზანდასახულობას. ძლიერი ალიანსი საქართველოსა და უკრაინისთვის ერთადერთი გზაა მშვიდობისა და თავისუფლებისთვის. არჩევანი ჩვენზეა და არანაირი რუსული ვეტო ნებადართული არ უნდა იყოს”, – წერს ზურაბიშვილი ტვიტერზე.