ოლექს არესტოვივიჩი, უკრაინის პრეზიდენტის ყოფილი მრჩეველი, წერს, რომ ვილნიუსში, სადაც ნატოს სამიტი დაიწყო, 30.000-ზე მეტი უკრაინის სახელმწიფო დროშაა გამოკიდებული, მათი უმრავლესობა კი აეროპორტიდან სამიტის ჩატარების ადგილამდე ფრიალებს, ანუ იმ გზაზე, სადაც უნდა გაიარონ დელეგაციებმა. 

არესტოვიჩის თქმით, უკრაინა დღეს 20 ენაზე ამბობს მადლობას – ნატოს წევრი სწორედ ამდენი ქვეყანაა მომხრე, უკრაინა მიიღონ ალიანსში. 

“სამიტი დრამატული იქნება”, – წერს არესტოვიჩი. 

უკრაინას ამ სამიტზე წევრად ნამდვილად არ მიიწვევენ, თუმცა მთავარი შეკითხვა ისაა, როგორ იქნება ამჯერად გამოხატული ის ენა, ის ლექსიკა, რომელიც უკრაინისა და საქართველოსთვის ბუქარესტის სამიტის დროს შემუშავდა. და რა პრაქტიკული ნაბიჯები გადაიდგმება უკრაინისთვის. მაგრამ საქართველო ამ ეტაპზე არ გამოიყურება, როგორც დაინტერესებული მხარე”, – ამბობს ყოფილი ამერიკელი დიპლომატი და “ატლანტიკური საბჭოს” უფროსი მკვლევარი დენიელ ფრიდი, “ამერიკის ხმასთან”