ლოს-ანჯელესში ირანის რეჟიმის საწინააღმდეგო საპროტესტო აქციაზე სატვირთო მანქანის მძღოლი დემონსტრანტებში შევარდა. შედეგად ორი ადამიანი დაშავდა.
მძღოლი პოლიციამ უკვე დააკავა და ამჟამად საქმეზე გამოძიება მიმდინარეობს. პოლიცია არკვევს, რამ გამოიწვია შეჯახება.
სოციალურ მედიაში გავრცელებული ვიდეოებიდან ჩანს, რომ სატვირთოზე ბანერი იყო დამაგრებული, ტექსტით “არა შაჰს. არა რეჟიმს. აშშ: არ გაიმეოროთ 1953. არა მოლას.”
ცნობისთვის, ირანის დედაქალაქ თეირანსა და ქვეყნის სხვა ქალაქებში 15 დღეა აქციები იმართება.