უკრაინის სხვადასხვა ფრონტებზე, დღე-ღამის განმავლობაში მომხდარი მთავარი შეტაკებები, პოზიციათა ცვლილებები და სიტუაცია:
რავნოპოლისა და ვოლნოვახის რეგიონებში ოკუპანტებმა უკრაინელების განდევნა სცადეს, მაგრამ მცდელობა უშედეგო აღმოჩნდა. უკრაინის შეიარაღებული ძალების გენშტაბის ცნობით, გასული დღე-ღამის განმავლობაში, ამ რეგიონში ოკუპანტებთან უკრაინელ მებრძოლებს ოცჯერ მოუწიათ შეტაკება.
აფეთქების ხმები ისმოდა დნეპროპეტროვსკის ოლქის ნიკოპოლის რაიონში.
“მოფრენები” დაადასტურა დნეპროპეტროვსკის გუბერნატორმა სერგეი ლისაკმა.
აშშ-ის ომის შემსწავლელი ინსტიტუტის ანალიტიკოსთა თანახმად, უკრაინელთა წინსვლა დაფიქსირებულია ბახმუტის მიმართულებაზე, დონეცკისა და ზაპოროჟიის ადმინისტრაციული საზღვრის სიახლოვეს.
რუსებმა ენერგოდარში იოდის დარიგება დაიწყეს (მანამდე გავრცელდა ინფორმაცია, რომ აეს-ის ერთ-ერთი ბლოკი დანაღმეს და აფეთქებას აპირებენ), მაგრამ ფლაკონზე დატანილი ტარიღის მიხედვით, იოდს გამოყენების ვადა 30 წლის წინ გაუვიდა.
უკრაინის სახმელეთო ჯარების სარდალმა ოლექსანდრ სირსკიმ ბახმუტის მიმართულების ფრონტიდან კადრები გამოაქვეყნა: “მუშაობ ჯგუფ “მოჩვენების” სნაიპერი, ბოგდან ხმელნიცკის სახელობის ცალკეული საპრეზიდენტო ბრიგადიდან. კადრები გადაღებულია 2 ნომერი GROT-ის (კარაბინი) თბოვიზური სამიზნიდან. დისტანცია 340 მეტრი. “ზუსტი გასროლით ლიკვიდირებულია მეთვალყურე კოორდინატორი. ჩინებული ნამუშევარია”, – წერს სირსკი.