ნიკა გვარამიას თავისუფლების მოძრაობამ 21 ივნისს განაცხადა, რომ იწყებენ კონსულტაციებს არასამთავრობო სექტორთან, საერთაშორისო ორგანიზაციებთან და დიპლომატიურ კორპუსთან “მთავარი არხის” გენერალური დირექტორის საქმეზე სამივე ინსტანციის მოსამართლეებისთვის პერსონალური სანქციების დაწესების მიზნით.
“ჩვენი მოძრაობის ამოცანა იქნება, რომ ყველა ის მოსამართლე, რომელმაც მიიღო მონაწილეობა ნიკას საქმის განხილვაში, სამივე ინსტანციის სასამართლოს ფარგლებში, აუცილებლად ჩვენს მიერ იქნება გადაცემული საქმესთან ერთად და მტკიცებულებებთან ერთად, საქართველოში აკრედიტებული დიპლომატებისთვის. ავუხსნით ამ ადამიანებს შეხვედრაზე ვისთან გვაქვს საქმე, რომელმა მოსამართლეებმა განიხილეს, როგორ განიხილეს ეს საქმე და ვთხოვთ მათ დახმარებას იმაში, რომ პერსონალური სანქციები დაუწესდეთ ამ ადამიანებს”, – ამბობს ბაჩანა შენგელია.
ადვოკატი, დიტო საძაგლიშვილი ამბობს, რომ უზენაესი სასამართლოს განცხადებაში არაა ახსნილი რატომ არ იქნა დასაშვებად მიჩნეული საკასაციო საჩივრები და არც ერთი არგუმენტი არაა მოყვანილ