ევროპარლამენტარები ნატო-ს მოუწოდებენ, უკრაინა ალიანსში გასაწევრიანებლად მიიწვიოს. ევროპარლამენტმა რეზოლუცია უკრაინის მხარდამჭერი რეზოლუცია მიიღო, რომელშიც სხვა საკითხებთან ერთად, შეტანილია პუნქტი, რომელიც NATO-ს მოუწოდებს, ომის დასრულების შემდეგ, დაიწყოს უკრაინის ალიანსში გაწევრიანების პროცესი და განახორციელოს ის მოკლე დროში.
როგორც ევროპარლამენტის ვებგვერდზეა აღნიშნული, შესაბამის რეზოლუციას მხარი 425-მა დეპუტატმა დაუჭირა, წინააღმდეგი გამოვიდა 38-მა, ხოლო 42-მა თავი შეიკავა.
ევროპარლამენტი იმედოვნებს, რომ უკრაინის ევროკავშირში გაწევრიანებაზე მოლაპარაკებები წელს დაიწყება.
ამასთან, რეზოლუციაში ევროდეპუტატები გმობენ კახოვკას ჰესის განადგურებას და აღნიშნავენ, რომ ეს ომის დანაშაულია და რომ ყველა, ვინც დამნაშავეა ომის დანაშაულებში, უნდა დაისაჯოს საერთაშორისო სამართლის შესაბამისად.