13 ივნისს მელიტოპოლში მძლავრი აფეთქების ხმა გაისმა. იმდენად მძლავრი, რომ მისი ხმა ახალ მელიტოპოლში, ქალაქის ჩრდილოეთითაც ისმოდა.
ამ ინციდნეტის შესახებ რუსულმა პროპაგანდამ დუმილი ამჯობინა, თუმცა, ქალაქში იმავე საღამოს შეიყვანეს გასამხედროებული ჯგუფები, რომლებიც დივერსანტებს ეძებენ.
ერთ-ერთი ვერსიით, აფეთქება იმ დროს მოხდა, როცა რელსებზე სატვირთო მატარებელი მოძრაობდა.
ასევე, გავრცელებული ინფორმაციით, მინიმუმ, 6 ვაგონი რელსებიდან გადავიდა და გადაბრუნდა, 50 მეტრიანი სარკინიგზო მონაკვეთი კი დაზიანდა.
ეს პირველი დივერსია არ არის – რკინიგზაზე მსგავსი ფაქტი მანამდეც მოხდა, რის შემდეგაც ელმავლები სპეციალური საფარით მოძრაობენ, რომელმაც, წინასწარი ვარაუდით, დარტყმა თავიას კორპუსზე უნდა მიიღოს და აფეთქებამ არ უნდა დააზიანოს ელმავალი და ვაგონები, მაგრამ როგორც ჩანს, უსაფრთხოების ეს ზომა ნაკლებად ეფექტურია.