კახოვკის წყალსაცავში წყლის დონე ათმეტრიან ნიშნულს ჩამოსცდა და ახლა 9,35 მეტრს შეადგენს. დღე-ღამის განმავლობაში წყლის დონემ 1 მეტრით დაიწია, ხოლო კაშხლის აფეთქების მომენტიდან ამ დრომდე – თითქმის 7 მეტრით.
დაწეულია წყლის დონე ასევე ხერსონშიც, თუმცა, სამხრეთის დაჯგუფების სპიკერი ნატალია გუმენიუკი მოსახლეობას აფრთხილებს, რომ ხერსონის მარცხენა სანაპიროზე წყალმა ოკუპანტთა საბრძოლო მასალების საწყობებიც წაიღო, მდინარესა და ზღვაში სხვადასხვა სახის საბრძოლო მასალები და ჭურვებია.