კირილ ბუდანოვმა (უკრაინის თავდაცვის სამინისტროს სადაზვერვო სამმართველოს უფროსი) დააანონსა მკაცრი პასუხის გაცემა 28-29 მაისის მასობრივი სარაკეტო და საჰაერო შეტევებისთვის კიევსა და უკრაინის სხვა ქალაქებზე:
“ყველა, ვინც ჩვენს შეშინებას ცდილობდა და ოცნებობდა, რომ ეს რაიმე ეფექტის მომტანი იქნებოდა, ამას მალე ინანებს – ჩვენი პასუხის მოცდა დიდხანს არ მოგიწევთ, მალე ყველა ყველაფერს დაინახავს…”, – განაცხადა მან.
შეგახსენებთ, დილის 7 საათის მონაცემებით, ჰსთ სისტემებმა უკრაინაში 37 ფრთოსანი რაკეტა, 29 უპილოტო დამრტყმელი აპარატი და 1 უპილოტო სადაზვერვო აპარატი ჩამოაგდეს.
სარაკეტო შეტევა დღესაც განმეორდა (ღამის შემდეგ, უკვე დილით, 11:30-ზე, კიევის დრო), უკრაინის დედაქალაქის მისამართით 11 ფრთოსანი რაკეტა «Искандер-М» და «Искандер-К» იყო გაშვებული, რომელთაგან ჰსთ სისტემებმა ყველა გაანადგურა.