სამხრეთ კავკასიისა და ცენტრალური აზიის საკითხებში NATO-ს სპეციალური წარმომადგენელი ხავიერ კოლომინა 24 მაისს საქართველოს ოფიციალური ვიზიტით ეწვევა, – ამის შესახებ ინფორმაციას გამოცემა SOVA ავრცელებს.
შეხვედრის ფარგლებში კოლომინა საქართველოს ხელისუფლების წარმომადგენლებს შეხვდება, რის შემდეგაც იგი ბრიფინგს გამართავს, სადაც ჟურნალისტების კითხვებს უპასუხებს.
როგორც SOVA წერს, NATO-ს მაღალი რანგის წარმომადგენლის ვიზიტი საქართველოში 11-12 ივლისს ვილნიუსში დაგეგმილი ალიანსის სამიტისა და თბილისის მიმართ დასავლური ქვეყნების კრიტიკის ფონზე დაანონსდა.