“ვაგნერის” შეფი პრიგოჟინი აცხადებს, რომ ბახმუტი მთლიანად “ვაგნერის” კონტროლქვეშაა, თუმცა, ჯგუფი 25 მაისს ქალაქის დატოვებას აპირებს. პრიგოჟინმა გააკრიტიკა რუსეთის ხელისუუფლების თითქმის ყველა მაღალი თანამდებობის პირი, ვლადიმირ პუტინის გარდა და განაცხადა, რომ “ვაგნერი” დაბრუნდება მაშინ, როცა ამის პირობები იქნება.
“ბახმუტი არ დაცემულა – ჩვენი შენაერთები ქალაქის სამხრეთ-დასავლეთ ნაწილში დგანან და მას აკონტროლებენ, არ აძლევენ მტერს ქალაქის აღების საშუალებას,” -აცხადებს აღმოსავლეთ დაჯგუფების წარმომადგენელი სერგეი ჩერევატი.
ქალაქის დაცემას არც თავდაცვის მინისტრის მოადგილე ანა მალიარტი ადასტურებს, რომელიც “ტვიტერზე” წერს, რომ ქალაქში მძიმე ბრძოლებია, მაგრამ უკრაინელები იგერიებენ მტრის შემოტევებს.
