“რაკეტა ჩვენს სახლს მოხვდა, ყველა დავსისხლიანდით, აქ ბავშვებს ეძინათ…” – გოგონა უმანიდან

0
213

51-დღიანი პაუზის შემდეგ, ომის 429-ე დღეს, რუსმა ოკუპანტებმა უკრაინის დედაქალაქს და რამდენიმე სხვა ქალაქს შეუტიეს. სარაკეტო იერიშს, სამწუხაროდ, მსხვერპლიც მოჰყვა, რომელიც ბევრად მეტი იქნებოდა, რომ არა უკრაინის ჰაერსაწინააღმდეგო თავდაცვის ძალების ეფექტური მოქმედება. 

უკრაინის ჰაერსაწინააღმდეგო თავდაცვის ძალებმა, კასპიის ზღვის აკვატორიიდან, Tu-95MS-ის ტიპის სტრატეგიული ბომბდამშენებიდან და Tu-22M3-ის ტიპის შორი მოქმედების ბომბდამშენებიდან გაშვებული Kh-55/555-ისა და kh-101 ტიპის 23 რაკეტიდან 21 ჰაერშივე გაანადგურეს, რაც, დიდი ალბათობით, უკრაინაში Mim-104 patriot-ის ტიპის ჰაერსაწინააღმდეგო სისტემათა გამოჩენითაა განპირობებული. განადგურებულია ორი უპილოტო საფრენი აპარატიც.
ორი რაკეტიდან ერთი ჩერკასის ოლქის ქალაქ უმანში, მრავალსართულიან საცხოვრებელ კორპუსს მოხვდა, ჩამოინგრა სადარბაზო, არის მსხვერპლიც – უმანში 3 ადამიანი დაიღუპა და 8 დაიჭრა, ხოლო მეორე რაკეტის აფეთქების ადგილას, დნეპრის გარეუბანში, 2 წლის გოგონა დაიჭრა.
ინტერნეტში ვირუსულად ვრცელდება უმანელი გოგონას მიერ გადაღებული ვიდეო, რომლის ბინასაც რაკეტა მოხვდა – საბედნიეროდ, ამ ოჯახის ყველა წევრი გადარჩა, ხოლო მეორე ვიდეოში, რომელიც ასევე უმანშია გადაღებული და სამაშველო სამსახურმა გადაიღო, უკრაინელი ქალის მოთქმა და ტირილი ისმის. ნანგრევებში გადარჩენილებს ამ დრომდე ეძებენ. 
წინა სტატიამელიტოპოლში პარტიზანებმა მილიციის უფროსის მოადგილე მოკლეს, მძღოლი კი – დაჭრეს
შემდეგი სტატიამასობრივი სარაკეტო იერიში უკრაინის ქალაქებზე: რა ვიცით ამ დროისთვის
ტელეკომპანია ოდიშის საინფორმაციო სამსახური