თურქეთის ვიცე-პრეზიდენტმა უარყო გავრცელებული ინფორმაცია იმის თაობაზე, რომ რეჯიბ ტაიპ ერდოღანის ჯანმრთელობის მდგომარეობის გაუარესება მიოკარდის ინფარქტითაა გამოწვეული.
შეგახსენებთ, გუშინ, გვიან ღამით, მას შემდეგ, რაც ინტერვიუს დროს ერდოღანი შეუძლოდ გახდა, გავრცელდა ინფორმაცია, რომ მან მიოკარდის ინფარქტი გადაიტანა, ხოლო ჯანმრთელობის მდგომარეობის გაუარესების შემდეგ პრეზიდენტის ოჯახის წევრები დაიბარეს კლინიკაში, სადაც ის გადაიყვანეს.
ვიცე-პრეზიდენტმა ერდოღანის მდგომარეობა შეაფასა, როგორც დამაკმაყოფილებელი და განაცხადა, რომ ის მხოლოდ გაციებულია.