რუსეთის მიერ დროებით ოკუპირებულ აფხაზეთში ორი რუსი ტურისტი, რომლებიც ერთმანეთთან მეგობრობდნენ, ხუთდღიანი შუალედით, მათთვის უცნობმა პირებმა გაიტაცეს.
შეიარაღებული პირები თავდაპირველად 14 აპრილს, სოხუმში მდებარე ერთ-ერთი მარკეტის პარკინგზე გამოჩნდნენ და მისივე მანქანიდან იარაღის მუქარით გადმოსვლა და მათ მანქანაში გადაჯდომა აიძულეს რუსეთის მოქალაქეს ლეონიდ შოკლერს, რომელიც სხვადასხვა მისამართზე გადაჰყავდათ, სანამ გამოსასყიდი თანხის სახით 5.000 აშშ დოლარი არ მიიღეს, რომელიც შოკლერის დედამ გადაიხადა. ამის შემდეგ რუსი ურისტი გაათავისუფლეს.
19 აპრილს კი, იგივე პირებმა შოკლერის მეგობარი, ასევე რუსეთის მოქალაქე ისმაილ შეიხი გაიტაცეს და ისევ გამოსასყიდი მოითხოვეს, მაგრამ მან გაქცევა მოახერხა და მომხდარის შესახებ მილიციას შეატყობინა.
ამის შემდეგ სეპარატისტული რეჟიმის ე.წ. სამართალდამცველებმა 5 ადამიანი დააკავეს, მათ წინააღმდეგ სისხლის სამართლის საქმეა აღძრული.