დაპატიმრებულმა რუსმა ოპოზიციონერმა, ალექსეი ნავალნიმ ოთხშაბათს განაცხადა, რომ მის წინააღმდეგ აღძრეს “აბსურდული” ტერორიზმის საქმე, რომლის მიხედვითაც მას დამატებით 30 წლით პატიმრობა ემუქრება.
ნავალნი ამჟამად 11 წელიწად-ნახევრიან სასჯელს იხდის თაღლითობისა და სასამართლოს უპატივცემულობის ბრალდებით. დღეს მოსკოვის ბასმანის რაიონულ სასამართლოში ნავალნი დისტანციურად ჩაერთო.
სხდომაზე განიხილება რუსეთის საგამოძიებო კომიტეტის შუამდგომლობა, რომლის მიხედვითაც 5 მაისამდე ნავალნისა და მის ადვოკატებს იმ სისხლის სამართლის საქმის მასალების გაცნობა ეზღუდებათ. სასამართლოს არ დაუკონკრეტებია რომელ საქმეს ეხებოდა აღნიშნული შუამდგომლობა, მაგრამ ნავალნის ადვოკატმა თქვა, რომ მოსმენა ეხებოდა მის წინააღმდეგ ექსტრემიზმის საქმეს.
“მათ დააყენეს აბსურდული ბრალდებები, რომლის მიხედვითაც მე 30 წლით თავისუფლების აღკვეთა მემუქრება. რომ მე ციხეში ყოფნისას ჩავიდინე ტერორისტული აქტები
დაჟინებით ვამტკიცებ, რომ პროცესის დახურვის მცდელობა არის არა მხოლოდ საქმის გაცნობაში ხელის შეშლის მცდელობა, არამედ იმის მცდელობაც, რომ არავინ გაიგოს ამის შესახებ”, – ნათქვამია ნავალნის მხარდამჭერების მიერ სოციალური ქსელით გავრცელებულ განცხადებაში.
ნავალნი ამბობს, რომ ამ საქმეს სამხედრო სასამართლო განიხილავს.