“პრიგოჟინი ბახმუტშია, რადგან პიტერში ყოფნა საშიშია…” – ჩერევატი

0
222

ტერორისტული დაჯგუფება “ვაგნერის” მეთაური პრიგოჟინი ახლა ბახმუტშია და “გამარჯვების დროშებს” ამაგრებს სრულიად განადგურებულ შენობებზე, – განაცხადა აღმოსავლეთ დაჯგუფების სპიკერმა სერხი ჩერევატიმ ტელემარათონის ეთერში.

“მან ნაჭრით მონიშნა საქალაქო საბჭოს შენობა, რომელიც არ არსებობს, განადგურდა”, – თქვა მან. 

“ალბათ, დარჩება ბახმუტში ცოტა ხნით, რადგან ახლა სანკტ-პეტერბურგში ყოფნა საშიშია, რესტორნები ფეთქდება”, – დაამატა ჩერევატიმ. 

მისივე თქმით, ბახმუტში ბრძოლები გრძელდება – რუსი ოკუპანტები შტურმს აგრძელებენ. ბოლო 24 საათის განმავლობაში 32 მსგავსი შეტევა განხორციელდა. ოკუპანტებმა დაკარგეს 91 მებრძოლი, 119 დაიჭრა, ასევე, განადგურებულია ტანკი, “გრადის” დანადგარი და საბრძოლო მასალების სამი საწყობი.

ჩერევატიმ ხაზი გაუსვა, რომ ყველაზე დიდ დანაკარგს “ვაგნერი” განიცდის, რადგან მის წევრებს სხვა არჩევანი არა აქვთ: შეტევაზე უნდა წავიდნენ და მოკვდნენ…

წინა სტატიაირაკლი ქარსელაძემ დატოვოს თანამდებობა, გამოძიება დაინტერესდეს ბიუჯეტის გაფლანგვით – ენმ რიკოთზე
შემდეგი სტატიალაზარე უნდა იყოს გარეთ, ვიმუშავებთ ფართომასშტაბიან აქციაზე – ხოშტარია
ტელეკომპანია ოდიშის საინფორმაციო სამსახური