უკრაინის თავდაცვის სამინისტრომ ავსტრალიურ კომპანია ELECTRO OPTIC SYSTEMS-სთან $80 მილიონი დოლარის ღირებულების კონტრაქტი გააფორმა 100 ერთეული R600MC-ის ტიპის დისტანციურად მართვადი საბრძოლო მოდულის ( RWS- Remote Weapon Systems) გადაცემაზე.
კონტრაქტი ითვალისწინებს საბრძოლო მოდულების 2023 -2024 წლებში მიწოდებას.
აღნიშნული საბრძოლო მოდული აღჭურვილია:
დღე-ღამისა ( გამოსახულების 34X გადიდებით) და თერმული ხედვის (გამოსახულების 10X გადიდებით) მქონე ოპტიკური კამერებით.
ლაზერული მანძილმზომით ( აღნიშნული სისტემა უზრუნველყოფს ავტომობილის ზომის სამიზნემდე მანძილის დადგენას 10 000 მ-ის რადიუსში).
FGM-148 Javelin-ის ტიპის ტანკსაწინააღმდეგო რაკეტით, 30მმ-იანი ავტომატური ქვემეხით, რომელიც შეწყვილებულია 7.62მმ-იან ტყვიამფრქვევთან.
ელექტრო-ოპტიკური სისტემის სენსორები სამიზნის დაფიქსირებას ახდენს 13 კმ-ში, ამოცნობას 5კმ-ში, ხოლო იდენტიფიცირებას 4კმ-ში.
საბრძოლო მოდულზე დაყენებული 30მმ-იანი ქვემეხის მოქმედების მაქსიმალური მანძილი 2კმ-ს აღემატება.
ოთო კონჯარია