უკრაინის შეიარაღებული ძალების სარდლის ვალერი ზალუჟნის სპეციალური მრჩეველი დენ რაისი ამბობს, რომ უახლოეს პერიოდში უკრაინა კონტრშეტევისთვის ემზადება, რომელიც მსოფლიოს შოკში ჩააგდებს.
„რუსული არმია თავის საუკეთესო ნაწილებს კარგავს. ამ ეტაპზე უკრაინისთვის შესატევად ძალზე ცუდი დროა, სწორედ ამიტომ, როდესაც დადგება შესაფერისი დრო, გაზაფხულზე უკრაინას ეყოლება გაცილებით ძლიერი არმია, ექნება ბევრად უკეთესი მხარდაჭერა, ვიდრე ეს იყო ერთი წლის წინ. მე მჯერა, რომ ამ გაზაფხულზე უკრაინის მიერ განხორციელებული ძლიერი კონტრშეტევა მთელ მსოფლიოს შოკში ჩააგდებს“ – აღნიშნა რაისმა.
დენ რაისის თქმით, რუსეთის არმიამ უკანასკნელი თვის განმავლობაში დაღუპულებისა და დაჭრილების სახით 70 000-მდე ჯარისკაცი დაკარგა.
დენ რაისი ამერიკელი ვეტერანი სამხედროა, რომელიც გასულ გაზაფხულზე დაინიშნა უკრაინის შეიარაღებული ძალების მთავარსარდლის, ვალერი ზალუჟნის სპეციალურ მრჩევლად.
–
ეს და სხვა ამბები ოდიშინიუსის ტელეგრამ-არხზე: