პარლამენტში, იურიდიულ საკითხთა კომიტეტის სხდომაზე, სადაც “ქართული ოცნებიდან” ფორმალურად გასული დეპუტატების მიერ ინიცირებულ რუსულ კანონს განიხილავენ ფიზიკური და სიტყვიერი დაპირისპირება იყო.
იურიდიული კომიტეტის თავმჯდომარემ, ანრი ოხანაშვილმა “ნაციონალური მოძრაობის” თავმჯდომარეს, ლევან ხაბეიშვილს სახეში ხელი დაარტყა. ოხანაშვილს ხელი შეუბრუნა ლევან ხაბეიშვილმაც. ანრი ოხანაშვილს ფიზიკურად დაუპირისპირდა ანი წითლიძეც.
ოპოზიციონერი დეპუტატები მანდატურის სამსახურმა დარბაზიდან ძალის გამოყენებით გაიყვანა.