აშშ-ის ომის შემსწავლელი ინსტიტუტის ანალიტიკოსები წერენ, რომ რუსეთის ჯარები ვერ შეძლებენ ქალაქ ბახმუტის ალყაში მოქცევას უახლოეს მომავალში. ამერიკელი ანალიტიკოსები აღნიშნავენ, რომ რუსმა სამხედროებმა ქალაქის გარკვეულ ნაწილში პოზიციური უპირატესობა მიიღეს, თუმცა ვერ აიძულეს უკრაინული ძალები ქალაქიდან გასულიყვნენ.
ანალიტიკოსებმა დაადასტურეს, რომ გუშინ რუსეთის ძალებმა ბახმუტთან ერთი შეზღუდული დადასტურებული შეტევა განახორციელეს.
ანალიტიკოსების შეფასებით, ბოლო თვეებში რუსეთის წინსვლა ბახმუტში ნელი და ეტაპობრივი იყო და ნაკლებად სავარაუდოა, რომ რუსული ძალები მალე შეძლებენ ბახმუტის ალყაში მოქცევას, მით უმეტეს, ქალაქის აღებას ფრონტალური იერიშით.