შეერთებულ შტატებში შეშფოთებას გამოთქვამენ, რომ საქართველო ახლა სხვა მიმართულებით მიდის. განცხადებები ამის შესახებ ვაშინგტონის ბრუკინგის ინსტიტუტში გამართული დისკუსიის დროს გაკეთდა. შეხვედრას აშშ-ის ყოფილი სახელმწიფო მდივანი კონდოლიზა რაისი და ეროვნული უსაფრთხოების საბჭოს ყოფილი დირექტორი ევროპისა და რუსეთის საკითხებში ფიონა ჰილი ესწრებოდნენ.
“პუტინი ყოველთვის იმაზე ფიქრობს, როგორ შეძლოს სიტუაციით მანიპულირება, რომ შემდგე საიდუმლო გარიგება მოახდინოს. მან ყოფილი პრეზიდენტი მიხეილ სააკაშვილი ხაფანგში მოაქცია. პუტინი ყოველთვის კარგად პოულობს ადამიანების სუსტ წერტილს. სააკაშვილმა, რომელიც ახლა ციხეშია და მისი ჯანმრთელობის მდგომარეობა მძიმეა, ძალაუფლება 2012 წელს დათმო და ამის შემდეგ საქართველო სულ სხვა მიმართულებით წავიდა. ქვეყანა ახლა სხვა მხარესაა, დასუსტებულია და პუტინი თავს კომფორტულად გრძნობს, რადგან საქართველოში ყველაფერი რადიკალურად შეცვლილია”, – თქვა ფიონა ჰილმა.