“უკრაინა თავად გადაწყვეტს, როდის და როგორ დაამთავროს ომი”, – განაცხადა აშშ-ის პრეზიდენტმა და იქვე გააკეთა კომენტარი უკრაინისთვის F16 ავიაგამანადგურებლების შესაძლო გადაცემასთან დაკავშირებული ინფორმაციის შესახებ:

 “არა, ვოლოდიმირ ზელენსკის ახლა არ სჭირდება F-16-ები. სამხედროების აზრით, არ არსებობს საფუძველი F-16-ების მიწოდებაზე. ზელენსკის ესაჭიროება ტანკები, არტილერია, საჰაერო თავდაცვა, ასევე Himars-ის დამატებითი ზალპური ცეცხლის რეაქტიული სისტემები. არის რაღაცები, რაც მას სჭირდება ახლა ამ გაზაფხულზე წარმატების მისაღწევად და არის რაღაცები, რაც მას სჭირდება ზაფხულშიც, შემოდგომის მოახლოების ფონზეც”, – ამბობს აშშ-ის პრეზიდენტი.