ვატიკანში რომის პაპს შეხვდნენ ‘აზოვსტალის” ტყვეების ოჯახების წევრები და სამოქალაქო აქტივისტები. მათ პაპს გადასცეს ‘აზოვსტალის” ლითონისგან დამზადებული სამაჯური და უკრაინის დროშა, რომელსაც ვატიკანის მეთაური ეამბორა კიდეც.
ამავე დროს, რომის პაპს გადაეცა “აზოვსტალის” ტყვე სამხედროებისა და სამოქალაქო პირების, მათ შორის, ქალების სრული სია.
მარიუპოლელი მებრძოლების ოჯახთა წევრებმა კიდევ ერთხელ სთხოვეს რომის პაპს, მსოფლიოს მიაწვდინოს ხმა და ძალისხმევა არ დაიშუროს ტყვეთა გასათავისუფლებლად.