ღამით თბილისი–სენაკი–ლესელიძის საავტომობილო გზის სურამი-საქასრიის მონაკვეთზე ტრანსპორტის მოძრაობა სრულად აიკრძალა. პრობლემები შეექმნათ გზაზე გაჩერებულ მანქანებში მყოფ მგზავრებს, რომლებიც საცობში მოყვნენ და რთულ მეტეოროლოგიურ პირობებში 9 საათზე მეტი გაატარეს.
ამ დროისთვის მანქანების გადაადგილება უკვე შესაძლებელია. ღამით გზის სავალი ნაწილი ჩახერგა წაქცეულმა ხეებმაც.
სოციალურ ქსელში გავრცელებულ კადრებში ჩანდა გვირაბთან ახლოს, კლდიდან ჩამოსული მიწის მასაც. იყო ავტოსაგზაო შემთხვევებიც – ერთმანეთს ორი სატვირთო მანქანა შეეჯახა, რის შემდეგაც გზის სავალი ნაწილი ჩაიხერგა, ხოლო ავარიის მონაწილე ტრაილერის გზიდან გადაყვანას რამდენიმე საათი დასჭირდა.