GLSDB წარმოადგენს GPS-ით მართვად GBU-39-ის ტიპის საავიაციო ბომბისა და HIMARS/ M270 (MLRS)-ის რაკეტა, M26-ის რეაქტიული ძრავის ურთიერთდაკავშირების შედეგად შექმნილ ზუსტი დამიზნების საბრძოლო მასალას, რომელიც 150კმ-ზე შეძლებს სამიზნეთა განადგურებას. GLDSB-ის მიზნიდან მაქსიმალური გადახრა 5-6 მეტრია. აღნიშნული რაკეტის დამიზნების სისტემა GPS/INS-ია. მათ გააჩნიათ GPS-ს ჩამხშობთა საწინააღმდეგო სისტემა, რაც რუსული რადიოელექტრონული ბრძოლის სისტემებისთვის დამატებითი თავსატეხი იქნება.
 
აღნიშნული პროექტის ავტორები გახლავთ შვედური SAAB-ი და ამერიკული BOEING-ი, რომელთაც 2019 წელს საავიაციო ბომბ GBU-39-ისა და Himars-ების რაკეტა M26-ის ძრავის გაერთიანებით შექმნეს იაფიანი შორი მოქმედებისა და ზუსტი დამიზნების საბრძოლო მასალა. GLDSB-ის მიახლოებით ფასი $50 000-მდეა, რაც HIMARS-ების GPS-ით მართვად GMLRS-ის რაკეტების ფასზე თითქმის სამჯერ ნაკლებია.
 
ზემოხსენებული GLDSB-ის რაკეტების გამშვებ დანადგარად უკრაინელები შეძლებენ, გამოიყენონ როგორც M142 Himars-ის ასევე M270 (MLRS)-ის ტიპის ზალპური ცეცხლის რეაქტიული სისტემები.
 
 რაკეტის წონა- 115კგ.
 
 რაკეტის საბრძოლო მასალის წონა- 57,6კგ.

–