ესპანეთის პრემიერმინისტრმა, რომელიც დღეს დილით კიევში ჩავიდა, უკრაინის ქალაქები: ბუჩა და ირპენი მოინახულა. პედრო სანჩესმა Twitter-ში რუსეთის პრეზიდენტის, ვლადიმერ პუტინის მიერ ჩადენილ დანაშაულებზე დაწერა და აღნიშნა, რომ ოკუპანტი ქვეყანა ომს ვერ მოიგებს. ესპანეთის პრემიერმა უკრაინას მხარდაჭერა გამოუცხადა.
“ბუჩა და ირპინი აჩვენებს პუტინის ბარბაროსობის ჭრილობებს.
რუსეთი ამ ომში ვერ გაიმარჯვებს.
მთელი ესპანეთი უკრაინასთანაა”,- წერს ის.
შეგახსენებთ, რომ დღეს ესპანეთის პრემიერმინისტრი კიევში ჩავიდა და უკრაინის პრეზიდენტს, ვოლოდიმირ ზელენსკის შეხვდება.