უკრაინაში რუსი ოკუპანტები ჰუმანიტარული დახმარების მიწოდებისას გაეროს მისიის წარმომადგენლები დაბომბეს – უკრაინული მედიის ცნობით, ეს მოხდა ზაპოროჟიეს ოლქში, მიუხედავად რუსებთან წინასწარი შეთანხმებისა.
ზაპოროჟიეს რეგიონალური სამხედრო ადმინისტრაციის ხელმძღვანელმა ალექსანდრე სტარიუხმა მედიასთან კომენტარი გააკეთა და თქვა: “„შეთანხმებული იყო, რომ არ იქნებოდა დაბომბვა, ეს ყველაფერი. მაგრამ, სამწუხაროდ, აგრესორის მხარემ, რომელიც დაპირდა, რომ არ გაისროდა, დღეს დილით გაეროს ჰუმანიტარული მისიაც კი დაბომბა”.
სტარუხის თქმით, რუსეთი აგრძელებს ომის ყველა წესის და საკუთარი რელიგიური მრწამსის იგნორირებას. მან რუსეთის ფედერაციას უწოდა „მართლმადიდებელი თალიბანი“, რომელსაც არ აინტერესებს ადამიანური ნორმები.
“რუსეთმა ცეცხლის შეწყვეტის რეჟიმი დაანონსა თუმცა არ შეასრულა. დღეს ზაპოროჟიეში გაეროს მისია ჩამოვიდა, რომელსაც აგრესორმა ცეცხლი გაუხსნა. ასევე ესროლეს ჰუმანიტარულ დახმარებას რომელიც მისიამ ჩამოიტანა. სამწუხაროდ ოკუპანტების სროლები გრძელდება. რუსების შედარება მხოლოდ თალიბანთან შეიძლება. თითქოს მორწმუნეები არიან, თუმცა ქრისტიანული დღესასწაულზეც ისვრიან მშვიდობიან მოქალაქეებს. ისინი ტერორისტები არიან”,- თქვა სტარიუხმა.