მისცემს თუ არა ვანო მერაბიშვილი ჩვენებას ვაკეში მომხდარი თავდასხმის საქმეზე – ყოფილი შს მინისტრი გომელაურის უწყებაში გამოკითხვაზე დაიბარეს. საგამოძიებო უწყების წარმომადგენლებს მერაბიშვილთან კითხვები მისი ცემის ფაქტთან დაკავშირებით ექნებათ.
გიორგი შარაშიძის ადვოკატი ამბობს, რომ დანაშაულის არსებობის შესახებ გამოძიებამ უნდა დაადგინოს.
შარაშიძემ დეტალურად მოყვა ის, რაც მოხდა „ავერსის“ აფთიაქში, თუმცა ამას რა კვალიფიკაცია მიეცემა, არის ეს დანაშაული თუ არ არის დანაშაული, ამას შეაფასებს გამოძიება. თუ გვექნება ეს მოცემულობა დაზარალებულის სამედიცინო ექსპერტიზის დასკვნის შედეგად, ან რომელიმე ხარისხის დაზიანება ან არცერთი, მაგრამ თვითონ განაცხდებს მერაბიშვილი, რომ მან განიცადა ფიზიკური ტკივილი, ასეთ შემთხვევაში აქ არის დანაშაულის ნისნები და კვალიფიკაცია შეიძლება მინიეჭოს, – თქვა ადვოკატმა.
საგამოძიებო უწყებამ გიორგი შარაშიძე უკვე გამოკითხა. “უცნობის” სიძემ დანაშაული აღიარა და თქვა, რომ თავდასხმის მოტივი ბუტა რობაქიძის საქმე გახდა. ამის მიუხედავად, პროკურატურას შარაშიძისთვის ბრალი ამ დრომდე არ წარუდგენია.