საქართველოს მესამე პრეზიდენტი, მიხეილ სააკაშვილი წერილს აქვეყნებს და მადლობას უხდის პატრიარქს, ილია მეორეს ყოფილ პირველ ლედისთან და მის შვილთან შეხვედრისთვის.
მიხეილ სააკაშვილი ამბობს, რომ ბოლო წლის განმავლობაში სულერად გაძლიერდა, მრავალგზის ეზიარა, ჰქონდა ბევრი ლოცვის დრო და შესაძლებლობა.
მესამე პრეზიდენტი წერს, რომ თავისუფლება გაიმარჯვებს.
“დღეს არის შობის ბრწყინვალე დღესასწაული. მადლობელი ვარ მისი უწმინდესობის, რომ მიუხედავად დიდი გადაღლისა, ძალიან თბილად შეხვდა და დიდხანს ესაუბრა სანდრას და ნიკოლოზს.
მინდა ვუპასუხო მათ ვინც “სულიერი რეალობა” რაღაცნაირად ციხეს დაუკავშირა, მათ გამორჩათ სიტყვა “სულიერი”.
ბოლო წლის გნამავლობაში მე მართლაც გავძლიერდი სულიერად, პირველად მრავალგზის ვეზიარე, ჩავაბარე აღსარება, გავიარე ზეთისცხება და რაც მთავარია მქონდა ბევრი ლოცვის დრო და შესაძლებლობა.
რაც შეეხება ციხეს, უკრაინელი მებრძოლების მთავარი ლოზუნგია – თავისუფლება ან სიკვდილი, ასე რომ გაიმარჯვებს თავისუფლება.
ყველას გილოცავთ შობას”, – წერს მიხეილ სააკაშვილი.