სალომე ზურაბიშვილი პრემიერ ღარიბაშვილის წლიური ანგარიშის მოსმენას არ ესწრება. ღარიბაშვილი 2022 წელს და მისი მთავრობის მუშაობას სასტუმრო “რედისონში” აჯამებს. იქ იმყოფებიან მინისტრთა კაბინეტის წარმომადგენლები, “ოცნების” დეპუტატები, სასულიერო პირები.
უცნობია, მიიწვიეს თუ არა ზურაბიშვილი ღონისძიებაზე.
შეგახსენებთ, ხელისუფლებასა და პრეზიდენტს შორის ახალი დაპირისპირება გუშინ დაიწყო, როდესაც ელჩების კონფერენციაზე სალომე ზურაბიშვილი არ მივიდა. მიზეზად პრეზიდენტის ადმინისტრაციამ დიპლომატიური პროტოკოლის უხეში დარღვევა დაასახელა.