მთავარისიახლეებისასამართლოს გადადება მოულოდნელი იყო, იწვევს შეშფოთებას და დამატებით კითხვებს - დეგნანი მიხეილ...

სასამართლოს გადადება მოულოდნელი იყო, იწვევს შეშფოთებას და დამატებით კითხვებს – დეგნანი მიხეილ სააკაშვილზე

Published on

ამერიკის შეერთებული შტატების ელჩი, კელი დეგნანი მიხეილ სააკაშვილის დღევანდელ სასამართლო პროცესს ეხმაურება და ამბობს, რომ ამ პროცესის ზედმეტად შეფერხება კითხვის ნიშნებს ბადებს.

ელჩმა ხაზგასმით აღნიშნა და გაიმეორა, რომ მიხეილ სააკაშვილის მდგომარეობაზე სრული პასუხისმგებლობა საქართველოს ხელისუფლებას აკისრია.

“რა თქმა უნდა, ჩვენ და ჩვენი პარტნიორები ყურადღებით ვაკვირდებით განვითარებულ მოვლენებს, მის მდგომარეობას და სიტუაციას. ასეთ მდგომარეობაში სასამართლო პროცესის გადადება მოულოდნელი იყო, განსაკუთრებით, როდესაც გადაუდებელი სიტუაციაა და საქმე ეხება ადამიანის ჯანმრთელობასა და კეთილდღეობას. ადრეც აღვნიშნე და ახლაც ვამბობ, რომ ეს მთავრობის პასუხისმგებლობაა, რომ მან მიიღოს შესაბამისი და საჭირო სამედიცინო დახმარება, მისი ფსიქოლოგიური და ფიზიკური სიჯანსაღისთვის კიდე ზედმეტად შეფერხება ამ პროცესის, რა თქმა უნდა, იწვევს შეშფოთებას და ქმნის დამატებით კითხვებს”,- თქვა კელი დეგნანმა.

შეგახსენებთ, რომ საქართველოს მესამე პრეზიდენტი საკუთარი პროცესს ვერც დღეს დაესწრო. დისტანციურად ჩართვაზე კი პენიტენციურმა სამსახურმა უარი სათანადო ტექნიკური აღჭურვილობის არარსებობის გამო უთხრა.

ცოტა ხნის წინ, კლინიკა “ვივა მედთან” უფლებადამცველმა შალვა ხაჭაპურიძემ მიხეილ სააკაშვილის წერილი წაიკითხა, სადიანაც ცნობილი გახდა, რომ მესამე პრეზიდენტმა კვლავ შიმშილობა გამოაცხადა.

სიახლეები

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...

“ბოკუჩავა ჩემს შეცდომას იყენებს” – ჩერგოლეიშვილი

"თინა ბოკუჩავა ჩემს შეცდომას იყენებს" - ამის შესახებ "ფედერალისტების" ლიდერი თამარ ჩერგოლეიშვილი საუბრობს. მისი...

“ვერასდროს ვირწმუნებ გამარჯვების, რომელიც დაცლილია მორალისგან” – ბოკუჩავა ჩერგოლეიშვილის პოსტზე

"ვერასდროს ვირწმუნებ გამარჯვების, რომელიც დაცლილია მორალისგან", - ასე ეხმიანება "ნაციონალური მოძრაობის" თავმჯდომარე თინა ბოკუჩავა...