“მამუკა მდინარაძე, რა საქართველოს მოქალაქეობის ჩამორთმევას განიხილავ გმირ ბიჭებზე? იმ მებრძოლებზე, რომლებიც დღეს უკრაინაში არიან და მათი 99% საქართველოს ყველა ომის მონაწილე არიან. დავიჯერო თქვენ მათზე მეტი გაქვთ გაკეთებული, ან რომელიმე ჩვენგანზე მეტი გაქვთ გაკეთებული.რომ ჩვენთვის მოქალაქეობის ჩამორთმევას განიხილავთ? პირდაპირ, ღიად გამოდით და თქვით, ხომ მხარს უჭერთ და ხართ რუსეთის მორჩილები. თორემ რა გინდათ, რას გადაეკიდეთ ამ ხალხს? ზოგი სიცოცხლეს სწირავს და ზოგი ნახევარ ჯანმრთელობას ტოვებს იქ”
– ამბობს უკრაინაში მებრძოლი ქართველი, ვაჟა ცეცაძე “ოცნების” ლიდერების მიერ გაკეთებულ განცხადებაზე, რომ სხვა ქვეყნის ჯარში მსახურება, საქართველოს მოქალაქეობის დაკარგვის საფუძველი შეიძლება გახდეს.