უკრაინის საჰაერო ძალებში არ გამორიცხავენ, რომ რუსეთმა 6 დეკემბერს, შესაძლოა უკრაინაზე მორიგი სარაკეტო თავდასხმა განახორციელოს.
უკრაინის შეიარაღებული ძალების საჰაერო ძალების სარდლობის სპიკერმა, იური იგნატიმ მოქალაქეებს სიფრთხილისკენ მოუწოდა.
მანვე აღნიშნა, რომ ბოლო თავდასხმის დროს უკრაინელმა სამხედროებმა გაანადგურეს 60-ზე მეტი რაკეტა, მაგრამ უკრაინას მეტი ძალა სჭირდება საჰაერო საფრთხისგან თავის ეფექტურად დასაცავად.
კერძოდ, მან მეტი გერმანული Gepard-ის, IRIS-T-ისა და ნორვეგიული NASAMS-ის საჭიროებებზე ისაუბრა.