ჯიშკარიანი: პროფესორი კობის განმარტებით, მიხეილ სააკაშვილს რამდენიმე ოპერაცია ესაჭიროება

0
207

ცენტრ “ემპათიას” დირექტორმა, მარიამ ჯიშკარიანმა დღეს გამართულ ბრიფინგზე, სადაც საზოგადოებას მესამე პრეზიდენტის, მიხეილ სააკაშვილის ჯანმრთელობის მდგომარეობაზე მომზადებული დასკვნა გააცნო, აღნიშნა, რომ ნობელიანტი ექიმის ჯეიმს კობის განმარტებით, მესამე პრეზიდენტს რამდენიმე ქირურგიული ოპერაცია ესაჭიროება.

“ჩვენი საერთაშორისო კოლეგების, პროფესორი კობის განმარტებით, მას [მიხეილ სააკაშვილს] ესაჭიროება რამდენიმე ქირურგიული ოპერაცია, ვინაიდან საყრდენ-მამოძრავებელი სისტემის მხრივ მდგომარეობა არის მძიმე და სავალალო, ეს დავთვალეთ, დაახლოებით 4 ოპერაციაზეა საუბარი”,- ამბობს ჯიშკარიანი.

შეგახსენებთ, რომ რამდენიმეთვიანი მოკვლევის შემდეგ, მიხეილ სააკაშვილის ჯანმრთელობის შესახებ საექსპერტო დასკვნა მომზადდა. ცენტრ “ემპათიას” მედიკოსებისა და უცხოელი ექსპერტების მიერ ხელმოწერილი დოკუმენტის მთავარი რეკომენდაცია მესამე პრეზიდენტის გათავისუფლებაა, რადგან მისი ფსიქიკური და ფიზიკური მდგომარეობა პატიმრობასთან შეუთავსებელია.

წინა სტატიაპენტაგონმა ხელი მოაწერა 1.2 მილიარდი დოლარის კონტრაქტს უკრაინისთვის NASAMS-ის მისაწოდებლად
შემდეგი სტატია“გადაწყვიტეს, ნელი სიკვდილით მოკლან” – არესტოვიჩი მიხეილ სააკაშვილზე
ტელეკომპანია ოდიშის საინფორმაციო სამსახური