უკრაინა აგრესიაზე პასუხისგებისთვის სპეციალური ტრიბუნალის შექმნაზე მუშაობს

0
207

უკრაინის პრეზიდენტმა, ვოლოდიმირ ზელენსკიმ საღამოს ტრადიციულ ვიდეო მიმართვაში რუსეთის წინააღმდეგ სპეციალური ტრიბუნალის შექმნაზე ისაუბრა. მისი განცხადებით, უკრაინამ უნდა გააერთიანოს მსოფლიოს უმრავლესობა გაეროს გენერალური ასამბლეის რეზოლუციის პროექტის მხარდასაჭერად სპეციალური ტრიბუნალის შესახებ.

მისი თქმით, ამ თემაზე ბრიტანეთის მხარდაჭერის იმედი აქვთ, რომელსაც მსგავსი გამოცდილება მეორე მსოფლიო ომის დროს ჰქონდა.

“აგრესიაზე პასუხისგებისთვის საჭიროა სპეციალური ტრიბუნალი – სისხლის სამართლის საერთაშორისო სასამართლოს გარდა. და ჩვენ ყველაფერს ვაკეთებთ, რომ შეიქმნას ასეთი ტრიბუნალი.

სწორედ ამ საქმეს მიეძღვნა დღეს უკრაინის პირველი ლედის მიმართვა პარლამენტისა და დიდი ბრიტანეთის ხალხისადმი.

ამჟამად ოლენას ვიზიტი დიდ ბრიტანეთში მიმდინარეობს. და ყველა უკრაინელი კაცისა და ქალის სახელით, ვინც დაზარალდა რუსული აგრესიით, მან მოუწოდა დიდ ბრიტანეთს გახდეს ლიდერი გლობალურ ძალისხმევაში, რათა შეიქმნას სპეციალური ტრიბუნალი უკრაინის წინააღმდეგ რუსული აგრესიის დანაშაულისთვის და აღადგინოს სამართლიანობა”, – თქვა ზელენსკიმ.

ზელენსკიმ აღნიშნა, რომ უკრაინა უკვე თანამშრომლობს ბევრ ქვეყანასთან და საერთაშორისო ორგანიზაციასთან, რათა ყველა რუსი მკვლელი დამსახურებულად დაისაჯოს.

წინა სტატიაშევწყვიტე ფიქრი, დაწყნარდით, არავის სკამს საფრთხე არ ემუქრება – ჭიაბერაშვილი ენმ-ს თავმჯდომარეობაზე
შემდეგი სტატიაკონკრეტულ ჯგუფს ძალაუფლება რომ დაებრუნებინა, თბილისი იქნებოდა ომის ქალაქი – კალაძე
ტელეკომპანია ოდიშის საინფორმაციო სამსახური