სასამართლოს მიხეილ სააკაშვილის სასჯელის მოხდისგან გათავისუფლების და სასჯელის გადავადების მოთხოვნით მაქსიმუმ ხვალ მივმართავთ

0
175

მესამე პრეზიდენტის ადვოკატის, შალვა ხაჭაპურიძის თქმით, უფლებადამცველები სასამართლოს დღეს ან ხვალ მიმართავენ. მისი განცხადებით, მიხეილ სააკაშვილისთვის დასმული დიაგნოზები არა მხოლოდ მისთვის სასჯელის გადავადების, არამედ სასჯელისგან სრულად გათავისუფლების საფუძველს იძლევა.

ადვოკატი ამბობს, რომ დაიკითხება 20-მდე მედიკოსი, მათ შორის მოსამართლეს ჩვენებას მისცემს “ვივა მედის” კლინიკური დირექტორი, ზურაბ ჩხაიძე.

“დღეს ან მაქსიმუმ ხვალ შევიტანთ, უკვე მივმართავთ სასამართლოს შუამდგომლობით, შუამდგომლობაში იქნება ორი მოთხოვნა, ერთი იქნება სასჯელის მოხდისგან გათავისუფლება, ალტერნატიული სახით შევთავაზებთ სასამართლოს სასჯელის გადავადებას. ანუ იქნება როგორც 284-ე მუხლით, ისე, 283-ე მუხლით. […] არის დიაგნოზები, რომლებიც გათვალისწინებულია სასჯელის გადავადების ჩამონათვალში, ჯანდაცვის მინისტრის შესაბამის ჩამონათვალში, არის სასჯელის გადავადებისთვის საკმარისზე მეტი დიაგნოზები, რომლებიც შედგენილია როგორც უცხოელი ისე ქართველი ექსპერტების”, – თქვა შალვა ხაჭაპურიძემ.

ცოტა ხანში მიხეილ სააკაშვილის დედა, გიული ალასანია მოინახულებს.

წინა სტატია“მამაჩემმა თავი მოიტყუა” – პრეზინდეტის შვილი მიიჩნევს, რომ სააკაშვილმა საქართველოში ჩამოსვლით შეცდომა დაუშვა
შემდეგი სტატიასასამართლომ “ტვ პირველსა” და მაია მამულაშვილს კალაძისთვის 15 ათასი ლარის გადახდა დააკისრა – ნოდარ მელაძე
ტელეკომპანია ოდიშის საინფორმაციო სამსახური