მიხეილ სააკაშვილის ჯანმრთელობის მდგომარეობა – გიული ალასანია ევროკავშირის ელჩის მოადგილეს შეხვდა

0
203

ევროკავშირის წარმომადგენლობის ოფისში მიხეილ სააკაშვილის დედა გიული ალასანია, გიორგი ჩალაძე და თაკო ჩარკვიანი ელჩის მოადგილეს შეხვდნენ. შეხვედრა ცოტა ხნის წინ დასრულდა. როგორც გიული ალასანიამ “მთავარ არხთან” თქვა, საუბარი შეეხო მიხეილ სააკაშვილის ჯანმრთელობის მდგომარეობას:

“თანამდებობის პირი, რომელსაც არაერთხელ შევხვედრილვართ, რომელიც ინტერესს იჩენს ჩვენი ქვეყნის მიმართ. კონკრეტულად ჩემი შვილის საკითხი აინტერესებდა ამჯერად – რა მძიმე მდგომარეობაა მის ჯანმრთელობასთან დაკავშირებით, ახლა რა ხდება, რა მდგომარეობაშია, რა პერსპექტივას ვხედავთ, სად შეუძლიათ რომ დაგვეხმარონ. განვიხილეთ ის ბერკეტები, რა შესაძლებლობები აქვს ევროკავშირს, როგორ შეუძლიათ დაგვეხმარონ, ამაზე იყო ლაპარაკი”, – თქვა გიული ალასანიამ შეხვედრის დასრულების შემდეგ.

ცნობისთვის, ბოლო პერიოდში მიხეილ სააკაშვილის ჯანმრთელობის მდგომარეობა განსაკუთრებით დამძიმდა – ამაზე საუბრობენ როგორც მიხეილ სააკაშვილის ოჯახის წევრები, ადვოკატები და თანაპარტიელები, ისე სახალხო დამცველი. მან მიხეილ სააკაშვილი გუშინ, 28 ნოემბერს მოინახულა.

წინა სტატიათბილისიდან მომავალი რიტორიკა, სულ უფრო უარესდება და ანტიამერიკული ხდება – კრამერი
შემდეგი სტატიაოკუპანტები უკრაინელი სპეციალისტების ნაწილს ზაპოროჟიეს ატომურ სადგურზე არ უშვებენ
ტელეკომპანია ოდიშის საინფორმაციო სამსახური