ISW: რუსეთში მობილიზაციისთვის ფარულად ემზადებიან

0
244

ომის შემსწავლელი ამერიკული ინსტიტუტის (ISW) ცნობით, რუსეთის ხელისუფლება ფარული მობილიზაციის გასაგრძელებლად ემზადება.

ექსპერტების აზრით, ეს დამატებით ტვირთად დააწვება ისედაც გადატვირთულ რუსულ აპარატს სამხედრო რეზერვის ფორმირებისთვის.

“18 ნოემბერს რუსული ტელეგრამის არხები აქტიურად განიხილავდნენ ნიშნებს, რომ კრემლი ემზადებოდა მობილიზაციის მეორე ტალღისთვის. კერძოდ, მათ ინტერნეტში გაავრცელეს გამოძახების სურათი, რომელიც მიიღო პეტერბურგელმა, რომელსაც დაევალა გამოცხადებულიყო მობილიზაციაზე 2023 წლის იანვარში, ეს იმ ფონზე , რომ, ვლადიმერ პუტინმა ნაწილობრივი მობილიზაციის დასრულება ჯერ კიდევ 31 ოქტომბერს გამოაცხადა” – წერს ISW.

ამასთან ექსპერტების ცნობით, რუსეთის ხელისუფლებას სრულად არ შეუწყვეტია სამობილიზაციო საქმიანობა, რაც იმას ნიშნავს, რომ მობილიზებულთა გარკვეული რაოდენობა კვლავ წვევამდელებთან ერთად გადის წვრთნას.

ექსპერტები ამბობენ, რომ ეს, სავარაუდოდ, გამოიწვევს მობილიზებულ და წვევამდელთა მომზადების კიდევ უფრო დაბალ ხარისხს. მობილიზაციის მორიგი ტალღა უახლოეს თვეებში მხოლოდ გააუარესებს სიტუაციას და, სავარაუდოდ, რუსული ჯარების საერთო ხარისხს, რომლებიც განლაგდებიან უკრაინის ფრონტის ხაზზე.

წინა სტატიაკახეთში ურთიერთშელაპარაკების ნიადაგზე 25 წლამდე ახალგგაზრდას ყელი გამოჭრეს
შემდეგი სტატიამარტვილში 9 წლის ბავშვი კბილის ამოღების შემდეგ გარდაიცვალა
ტელეკომპანია ოდიშის საინფორმაციო სამსახური