მიხეილ სააკაშვილს “ვივა მედში” დამატებით კვლევებს უტარებენ – კონსილიუმი დღესაც გაგრძელდება

0
184

ამ წუთებში კლინიკა ვივა მედში საქართველოს მესამე პრეზიდენტს, მიხეილ სააკაშვილს კვლევები უტარდება.

ვივა მედის კლინიკური დირექტორის ზურაბ ჩხაიძის განცხადებით, მიხეილ სააკაშვილისთვის დამატებითი ანალიზების გაკეთება აუცილებელი გუშინდელი დიაგნოზების შემდეგ გახდა. მისივე ინფორმაციით, პირველი საათისთვის კლინიკაში კიდევ ერთხელ შეიკრიბება სამედიცინო კონსილიუმი, რომლებიც პრეზიდენტის ჯანმრთელობის მდგომარეობის შესწავლას გააგრძელებს.

მიხეილ სააკაშვილის ადვოკატის, შალვა ხაჭაპურიძის ინფორმაციით, დამატებითმა კვლევებმა უნდა დაადგინოს აქვს თუ არა მესამე პრეზიდენტს ტუბერკულოზი და რატომ აწუხებს მას სახსრების ტკივილი.

“კვლევა ორ დაავადებაზე გაკეთდება. სახსრების ტკივილთან დაკავშირებით და ტუბერკულოზთან დაკავშირებით, დანარჩენი კი უფრო დეტალურად, ეს საკითხები გაიგზავნება ქალბატონ მარიამ ჯიშკარიანთან სამედიცინო დაწესებულებაში და ქალბატონი მარიამი ამას უკეთესად აუხსნის ამას საზოგადოებას,” – განაცხადა შალვა ხაჭაპურიძემ.

მესამე პრეზიდენტის ჯანმრთელობის შესახებ საბოლოო დასკვნას ცენტრი “ემპათია” 2 დღეში გამოაქვეყნებს.

ცენტრის ხელმძღვანელის, მარიამ ჯიშკარიანის თქმით, კონსილიუმის დასკვნაში ჩაიწერება, რომ პრეზიდენტის მდგომარეობა არის მძიმე, რაც საფუძველი უნდა გახდეს იმის, რომ მესამე პრეზიდენტის სასჯელის მოხდის ვადა გადაუვადდეს და იგი საზღვარგარეთ გაუშვან სამკურნალოდ.

წინა სტატიამინუს 630 რუსი სამხედრო 1 დღე-ღამეში – უკრაინის გენშტაბი რუსეთის დანაკარგებზე
შემდეგი სტატიადროა ევროპამ დახუროს უკრაინის ცა, მისივე უსაფრთხოებისთვის
ტელეკომპანია ოდიშის საინფორმაციო სამსახური